• 用户利益

    物业卖家
    物业买家
    产品卖家(商店)
    产品买家
    商店合作者
    产品托运人
    房地产中介
    房地产开发商
    杂工或技术员
    整理公司
    区域特许经营所有者
    国家特许经营所有者
    投资者
    会员营销人员
    自由职业者
    求职者
    社区成员
    培训师或讲师
    学院的学生
    办公室合作伙伴
    办公室合作伙伴

كيف ظهر المستريح الأول..

注释 · 7613 意见

#المستريح من امريكا لاسوان.. مائه عام من النصب المتكرر..
= #شوف_يا_برنس حاليا في أسوان الشرطه بتطارد المستريحيين اللي قلبوا أهلنا في أسوان في مليارات من الجنيها

كيف ظهر المستريح الأول..
#المستريح من امريكا لاسوان.. مائه عام من النصب المتكرر..
= #شوف_يا_برنس حاليا في أسوان الشرطه بتطارد المستريحيين اللي قلبوا أهلنا في أسوان في مليارات من الجنيهات في واقعه نصب مكرره ابوها الروحي و المؤسس هو بونزي و آخر العنقود سائق التوكتوك مصطفى البنك
=الأصل التاريخي الحكايه بيلخصه مثل مصري بيقول لبس طاقيه ده.. لده؛ و بدايه استخدام النصبايه دي تاريخيا كان سنه ١٩١٩ في أمريكا مع واحد من أساطير و اساطين النصب التاريخي و صاحب براءه اختراع الطريقه دي #تشارلز_بونزي و طريقته اللي عرفها التاريخ باسم ( #مصيده_بونزي )
-في سنه ١٩١٩ بونزي كان مهاجر إيطالي في أمريكا؛ عمل كتالوج كده فيه أسماء و عناوين المحالات و حاول يبيعه و يسوقه و كان الإقبال عليه ضعيف.
= في يوم بقي و من بلد أوربي يقال انه أسبانيا جاله طلب على الكتالوج ده؛ و طريقه الدفع تبقى طريق #كوبونات_طوابع_بريد_دوليه بتتباع بسعر معين في اسبانيا و ليكن ٢ طابع يساوي ١ دولار؛ و خدها انت يا بونزي بيعها في أمريكا و خد فلوسك.
=بونزي استلم الطوابع و لما بدأ يبيع فيها لقى في أمريكا بتتباع ١ دولار يساوي ١ طابع.. يعني في فروق أسعار ممتازه بالنسبه له (على سبيل المثال الرقمي) ..
= بونزي قرر يعمل محفظه يستفيد بيها من الفروق دي؛ و لان لازم المحفظه تكبر بدأ يقنع الناس اللي حواليه انه يقدر يحقق لهم عوائد ٤٥٪ خلال ٩٠ يوم.
= اول ما الماكينه طلعت قماش؛ و بعد اول ٩٠ يوم؛ رجع بونزي الفلوس و العوائد لكل المشاركين معاه؛ حرفيا أرباح خياليه؛ و تحول معاها كل المساهمين مع بونزي لابواق دعايه للفكره؛ و بونزي فتح شركه و بدأ يتلقى الإيداعات بكثافه غير عاديه؛ و بدأ يشتري طوابع في بلد و يعرض في أمريكا؛ و الطلب يزيد في أوربا و سعر الطوابع يطلع؛ و العرض يزيد في أمريكا و السعر و تضطر تعرض طوابع برضه رغم الانخفاض عشان التزامك بالسداد.. و تتلاشى فروق الأسعار..
=يحترم نفسه بقى و يرجع فلوس الناس؟.. ابدااا؛. بدأ يصرف المستحقات من الإيداعات الجديده؛ و بدأت الفلوس اللي جايه تزيد اكتر و بدأ بونزي يكتنز لنفسه الفلوس لان مفيش استثمار و لا أصول؛ هي طاقيه و دايره؛ بس اللي داخل اكتر كتير من اللي خارج و الحياه ماشيه معاه عنب..
=صحفي أمريكي بقي (الفار لعب في عبه) و بدأ يستقصي الحوار بتاع الطوابع؛ لقى الموضوع عمره ما يكسب الأرقام دي خالص؛ نشر الحسبه و المنطق في الجورنال اللي شغال فيه؛ الناس اتجننت و خافت و راحت علي بونزي تقول له هات فلوسنا..طوابير عايزه الفلوس..
-لبس بونزي اشبك بدله؛ و أشرف بنفسه على سداد بعض المستحقات؛ و عمل عزومه كبيره كمان لكل الناس اللي واقفه تاخد المستحقات بتاعتها و خبطهم غدوه من عند البرنس الأمريكاني و رز بلبن بالايس كريم من المالكي الأمريكاني و حسسهم ان الحياه زبادي خلاط؛ و قال لهم ان في ناس في البلد دي مش عايزه الفقير يغتني و مش بتحب الخير لحد و انهم بيحاربوه حرب مصالح عشان هو عايز يغني الفقراء؛ و راح مزود لهم العائد و مقصر المده.
- الناس شبعت و اقتنعت و اتطمنت و فيهم اللي رجع فلوسه لبونزي بعد ما سحبها و فيهم اللي قرر يسيبها مايسحبهاش؛ و فيهم اللي روح البيت جاب فلوس جديده.
-الصحفي بقى ماسكتش؛ راح دور على أي استثمارات لبونزي بيشغل فيها الفلوس عشان يحقق الأرباح دي؛ و لم يجد اي حاجه نهائي؛ و لكن وصل لصدمه كبرى كانت نهايه بونزي؛ و هي انه جامع الفلوس اللي طالعه له و رابطها في البنك بفايده عاديه و هزيله بالنسبه لأرقام أرباحه المزعومه؛ و نشر الحساب و أرقامه؛ و من هنا وصلنا للنقطه الفارقه.
-انهارت الإيداعات تماما؛ و زادت جدا المطالبات بالفلوس و الأرباح و الحقيقه مفيش استثمار اصلا يحقق ارباح؛ و جزء كبير من الإيداعات طار في صرف أرباح المستثمرين الأوائل..
- و في أغسطس ١٩٢٠؛ كاااااااابسه؛ و البوكس دخل بضهره و اتكوم تشارلز بونزي في التخشيبه و اتحاكم؛ و اتسجن ٣ سنين؛ و خرج؛ و نصب تاني؛ و اتمسك؛ و اتسجن ٧ سنين كمان؛ و اتطرد من امريكا لايطاليا؛ و اتمنع من دخول أمريكا؛ و راح البرازيل و مات مفلس؛ و ساب لنا أشهر طريقه للنصب في التاريخ.
- في #اسوان؛ ظهرت #مصيده_بونزي؛ من خلال واحد بيجمع الفلوس؛ بداعي تجاره المواشي بيشتريها من صاحبها و يسدد تمنها بعد ٢١ يوم ؛ و تاخد عائد فوق سعرها حوالي ٣٠٪؛ بيجي هو في الفتره دي يبيع المواشي بأي سعر ( يحرق الأسعار في أسواق تانيه) و يسدد منها المستحقات في وقتها و ده استبدال الطوابع بالمواشي مش اكتر و لا أقل.
- الراجل اتشهر و بقى له صيت؛ و طبعا بمجرد ما سدد المستحقات الأولى كله اتحول للدعايا للراجل اللي هيكسبك ٣٠٪ في ٢١ يوم و الحياه هتبقى برضه عنب.
- و طبعا وصلنا لنقط حصل فيها مطالبات ضخمه و ناس قلقانه؛ يعمل ايه؟ يعمل ليالي لأهل الله؛ و يدبح عجول؛ و يعزم المودعين؛ و مدح و ذكر و كلام عن انه واخد ميثاق أو ترخيص من السيده زينب عشان يغني الفقراء؛ و الناس تتبسط و الثقه ترجع؛ و تيجي فلوس اكتر و الحياه تمشي؛ لحد ما توصل للنقطه الحرجه.. و يتوقف السداد..
= الراجل ده جمع من اهل اسوان 2 مليار جنيه وفقا لمصادر صحفيه ، و ظهر بقي مجموعه مستريحيين بيشتغلوا بنفس الفكره علي مستويات مختلفه فى نفس المحافظه .
= و قبل ما تتهم اهل اسوان بالسذاجه او تقول اي حاجه فى نفسك ، عايز اقول لك ان فى 2006 تقريبا كان فى مخطط بوزنزي على استثمارات فى البورصة و كان الضحايا و لا مؤاخذه صفوة المجتمع فيما عرف بقضيه البوشي .
= و عشان الصدمه تكمل عايز اقول لك ان اكبر نصب فى التاريخ باستخدام #مخطط_بونزي كانت فى عاصمه المال فى العالم فى وول ستريت فيما يعرف بفضيحه #ماردوف (بيرني ماردوف) ، و الراجل ده نصب فى 50 مليار دولار على بنوك و شركات استثمار و كبار مستثمرين العالم ،باستخدام نفس منطق المخطط ، و عندك بنك دى HSBC اتقلب فى مليار دولار فى النصبايه دى و من ضمن رويال بنك أوف سكوتلاند،وبنك نومورا الياباني. ..
=نختم بقي بكلمتين ان اشهر علامات اقتراب انهيار مخطط بونزي انه يبدأ يسحب ناس متخصصه فى الاستثمار او البنوك عشان يكونوا ضحايا جدد ، فخلي بالك .
=و ان التسويق الشبكي جزء من مخطط بونزي و لكن اكثر تهذيبا و تظبيطا لكن نصب برضه..
و قبل السلام.. خلي بالك الفلوس مش بتولد و لا بنفقس لكن ممكن تطير.. خلي بالك على نفسك..
注释
Ahmed Maher 2 年

رائع وفقك الله دكتور